هەنگاو: دوایی ئاشکرا بوونی ناوی دوو کەس لە دەستبەسەرکراوانی شاری بۆکان، ژمارەی ئەو کەسانەی دەستبسەرکراون و ناسنامەیان ئاشکرا بووە، گەیشتە ١٤ کەس.

بەپێی هەواڵی گەیشتوو بە ڕێکخراوی مافی مرۆڤیی “هەنگاو”، شەوی دووشەممەی ڕابردوو ٣ی ڕەزبەر، هێزە ئەمنییەکانی ئێران بە بیانووی بەشداری لە شادی و خۆشی و سەرکەوتنی گشتپرسی هەرێـمی کوردستان، دەستیان کرد بە دەستبەسەرکردنی خەڵک و بە دەیان کەس لە هاووڵاتیانی شاری بۆکانیان دەستبەسەر کردووە.

پاش یەک حەفتە ناسنامەی دووکەس لە گیراوانی شاری بۆکان بە ناوەکانی “ئەمیر فەردپیادە” و “ئەیوب ڕەشیدوەند” بۆ “هەنگاو” ئاشکرا بووە.

“هەنگاو” پێشتر ناسنامەی 12 کەسی دیکەی لەدەستبەسەرکراوانی شاری بۆکانی ڕاگەیاندبوو.

ناسنامەی ئەم 14 کەسە بەشێوەی خوارەوەیە:

١ـ پوریا قورەیشی ٢- ئومید فاروقی ٣ـ ئاوات سوڵتانی ٤ـ ئیدریس قادری ٥ـ ڕەحمان قادری ٦ـ سەلمان بیپووش ٧ـ غەفور نەسیری ٨ –  دیاکۆ پور مستەفا ٩ – غەفور پوور ئەحمەد ١٠ ـ سەید سەلمان ئیمام زەنبیلی ١١ـ مەولود خوانچە زەرد ١٢ـ سەردار عەرەبی ١٣ـ ئەمیر فەردپیادە ١٤ـ ئەیوب رەشیدی وەند

سه‌یری ئه‌م بابه‌ته‌یش بكه‌

لینکی ماڵپەڕی نوێی “هەنگاو”

بۆ بەدواداچوونی هەواڵەکانی تایبەت بە پێشیلکاری مافی مرۆڤ